Sekretariu Estadu Juventude no Desportu Hasoru Malu ho Reitor UNTL

By Media DNICT 18 Febereiru 2021, 15:03:47 TLs DESPORTU
Sekretariu Estadu Juventude no Desportu Hasoru Malu ho Reitor UNTL

Fotografia : S.E Eng. Abrão Nokosiku Saldanha halo hela diskusaun MoU ho Reitor UNTL dr. João Martins hodi tulun departementu edukasaun fizika no Desportu (16/02/2021). Imajen/DNICT


DILI- Sekretáriu Estadu Juventude no Desportu Excellensia Eng, Abrão Nokosiku Saldanha sorumutu hamutuk ho Magnífiku Reitór Profesór Doutór dr. João Soares Martins, MPH, Ph.D. Sorumutu iha tersa loron 16 fulan fevereiru tinan 2021 ne’e parte UNTL ho SEJD halo diskusaun kona-ba implementasaun MoU entre SEJD no UNTL iha area edukasaun fisika no desportu, inklui rehabilita kampu Tenis UNTL.

Iha diskusaun ne’e excellensia sekretariu estadu Abrão Saldanha hatete parte guvernu atraves SEJD sei tulun UNTL hodi kontratu profesores espesialista desportu husi Cuba hodi hanorin iha departementu Edukasaun Fisika no Desportu nune’e bele solusiona problema akreditasaun daruak Ajénsia Nasionál ba Avaliasaun no Akreditasaun Akadémika (ANAAA; sigla Portugúes) ba departermentu edukasaun fisika no desportu iha UNTL .

Magnífiku Reitór Profesór Doutór dr. João Soares Martins, MPH, Ph.D, hatete SEJD hatudu nia protidaun hodi koopera hamutuk ho embaixada Cuba atu lori espesialista desportu husi Cuba hamutuk nain 10 mai apoiu departementu edukasaun fizika no desportu UNTL iha parte kurikular no hamutuk ho UNTL sei hare fila fali no hadia fasilidade. “sua excellensia sekretariu estadu juventude no desportu, husu para atu hare asuntu importante liu kona-ba kursu ne’ebe mak hari iha UNTL ne’ebé la passa iha tinan kotuk, UNTL ho SEJD prontu para apoia no kolabora hamutuk ho guvernu no mos ajuda fornese fasilidade desportu tomak iha UNTL hodi entrega ba estudantes sira hodi tau pratika , se kondisoes ne’e maka ita kompri ne’e mais fasil atu bele fasilita ba kursu ne’e,” dehan reitor ba jornalista sira.

 

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2021




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu