SEJD-RTTL.Ep halo Reuniaun Posibilidade Realiza Transmisaun Direta Jogu Olimpiku Tokyo

By Media DNICT 29 Julhu 2021, 08:07:51 TLs DESPORTU
SEJD-RTTL.Ep halo Reuniaun Posibilidade Realiza Transmisaun Direta Jogu Olimpiku Tokyo

Fotografia : Sekretáriu Estado Juventude no Desportu Eng. Abrão Nokosiku Saldanha ho Presidente RTTL.Ep Jose Belo Taraleu halo hela diskusaun konaba kooperasaun iha area komunikasaun social no posibilidadae sira atu halo transmisaun direta jogu olimpiku Tokyo iha sala reuniaun SEJD Lecidrere,Dili (22/06/2021). Imajen/DNICT


DILI- Sekretáriu Estadu Juventude no Desportu Excellensia Eng.Abrão Nokosiku Saldanha halo reuniaun ho presidente RTTL.Ep José Antonio Belo “ Taraleu” Iha sala reuniaun SEJD Lecidere Dili.

Reuniaun iha loron 22 fulan juñu 2021 ne’e koalia kona-ba realiza kooperasaun iha area komunikasaun sosial nian liu-liu produsaun pakote husi SEJD ne’ebé bele publika iha kanal Radio no Televizaun Timor Leste, Empresa Públika nomos posibilidade halo transmisaun direita ba jogu Olimpiku Tokyo Japaun 2021.

Parte rua konkorda atu halo uluk diskusaun molok iha akordu kooperasaun ba pakote Radio no televizivu nomos Transmisaun direita jogu olimpiku nian ba publiku hahu husi abertura no jogu sira ne’ebé Timor Leste partisipa hanesan Natasaun no Atletismo inklui jogu interesante sira seluk ne’ebé públiku gosta assite hanesan Volyból, Futeból, Basket no Boxe.

Enkuantu, Diretora Nasional Desporto Alta Kompetisaun SEJD Maria Luisa Monteiro hatete liga ba orsamentu ne’ebé SEJD atu apoiu tama ba kategoris tranferensia publiku tenki kolabora ho konfederasaun desportu Timor Leste (CDTL; sigla Portugês) tamba CDTL mak halo perparasaun ba atleta sira atu partisipa ba iha jogus refere. “Prosesu ba Kontratu transmisaun ho RTTL ne’e responsabilidade CDTL nian. SEJD ho CDTL sei koordena ho komite Olimpic atu bele hare ajenda abertura no final inklui jogu sira ne’ebé mak hetan partisipasaun husi atleta Timor Leste nian no ida ne’e sei liu husi diskusaun hodi hetan lista loloos ida molok halo akordo kooperasaun nee” dehan Maria Luisa.

 

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2021




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu