SEJD Vizita Grupu IDOR

By Media DNICT 08 Marsu 2021, 13:02:00 TLs JUVENTUDE
SEJD Vizita Grupu IDOR

Fotografia : Exelensia Sekretáriu Estado Juventude no Desportu Eng. Abrão Nokosiku Saldanha koalia hela koordenador grupu IDOR iha planta buah naga, Suku Riheu, Ermera(04/03/2021) . Imajen/DNICT


ERMERA- Excellencia Sekretáriu Estadu Juventude no Desportu (SEJD) Eng. Abrão Nokosiku Saldanha, iha loron-04 fulan-Marsu tinan-2021 ne’e vizita joven ho defisiensia Ermera ne’ebé hamahan an iha gurpu Inisiativa Dezemvolvimentu Ortikultura Rural (IDOR) iha suku Riheu. Iha vizita ne’e Sekretáriu Estadu Abrão Saldanha hare’e rasik oinsa grupu ema ho defisiensia nia atividade sira hakiak ikan, fahi, bibi no ortikultura hanesan kuda aifuan rambutan no buah naga.

Joven ho difiensia sira kontente ho vizita ne’e tamba enkoraja sira bele explora sira nia abilidade mesmu ho kondisaun fisiku ne’ebé la hanesan ho joven ho kondisaun fiziku normal.

Sekretáriu Estadu apresia inisiativa joven sira ho atensaun espesial ne’e, ne’ebé konsege halibur malu hari grupu hodi sustenta moris. Vizita iha grupu IDOR nudar oportunidade ida mak governante ne’e aproveita durante nia viajen ba munisipiu Ermera hodi partisipa expozisaun Juvenil ba setor produtivu ne’ebe organiza husi APFTL no parseria ho ajensia internasional Oxfam iha salaun Parokia munisipiu Ermera.

 

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2021




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu