SEJD reuniaun ho Kompania Obrai finaliza Estadion Manatuto

By Media DNICT 15 Jeneiru 2020, 15:07:51 TLs DESPORTU
SEJD reuniaun ho Kompania Obrai finaliza Estadion Manatuto

Fotografia : Reuniaun entre SEJD,ADN,Obras publika no kompania Obrai hodi finaliza obra estadion Manatutu


DILI- Sekretáriu Estadu Juventude no Desportu (SEJD) liu hosi Diresaun Nasional Administrasaun e Financa no ekipa tekniku husi SEJD, AND, nomos Obras Públika reuniaun hamutuk hodi koalia kona-ba obra estadion Manatutu ne’ebé durante ne’e paradu hela.

Diretora Finansa SEJD Maria Luisa Monteiro hateten objetivu enkontru ne’e atu reativa fila-fali ekipa ne’ebe durante ne’e kaer obra tamba mudansa estrutura kompania ho nia diretur foun.

“ Agora dadaun hetan ona diretur foun atu reativa fali ba servisu ne’e no presiza enkontru ida entre parte tolu mak Obras Públikas, ADN no SEJD rasik, atu garantia ba kualidade projetu ne’e rasik. Solusaun ohin iha enkontru ne’e mak sei iha ekipa husi kompania sira sei aprenzenta fali sira nia verifikasaun ba iha terenu no sei lori mai aprezenta iha SEJD, Obras Públika no ADN hodi nune’e bele hare ba servisu ba oin ne’e oinsa, ida ne’e mak ohin solusaun ba enkontru nian” dehan Maria Luisa iha sala sorumutu SEJD Kuarta (15/01).

Nudar Maria Luisa, jeralmente kompania halo mobilizasaun ba ekipamentu servisu iha trenu maibe kestaun balun ne’ebe merese deskute no presiza hetan autorizasaun tuir komprimisu kontratu nian ne’ebé asina iha fulan Novembro 2019 ho nia durasaun sei remata iha 31 Janeiru 2020 ne’e.

Hosi resultadu verifikasaun ne’ebé mak kompania sei aprezenta fali iha tempu badak inklui parte teknika SEJD , Obras públika, no ADN, mak sei tetu ba posibilidade prolonga kontratu ou hapara.

“Koalia kona-ba problema ne’e mak entre diretur kompania tuan no diretur kompania foun hanoin ida ne’e hanesan parte kompania nian no parte husi governu hatene katak asina ona kontratu husi komapania tuan no kompania foun hakarak ka lakohi finaliza obra ne’e bazeia ba kontratu ba problema ne’e entre sira nian no governu hakarak katak obra ne’e tuir tempu ne’ebe mak iha. Durasaun tempu ita hatene katak kontratu ne’e sei remata iha dia 31 janeiru 2020 agora ne’e, mais ho desizaun orsida ita sei hein katak kompania sei halo verifikasaun hotu ba servisu ne’ebé mak sira halo iha terenu no sira aprezenta fali foin deteremina katak kontratu to’o iha ne’eba hakarak ka lakohi kompania tenke finaliza “ katak Maria Luisa

.

Entertantu Vice Diretur foun Kompania Obrai ,Vasco Pinto hateten obra ne’e rasik iha munisípiu Manatutu no oras ne’e dadaun halao hela maibe seidauk bele finaliza ba fulan ida ne’e nia laran. Nudar Vasco Pinto, durasaun tempo obra ne’ebé remata iha loron 15 Janeiru ne’e la garante kompania remata obra, enkuantu problema traballador ne’ebé durante ne’e seidauk rezolve submete ba SEPFOPE.

“ Kompania ne’e nafatin maibe diretur kompania ne’e nia naran mak troka no diretur ida uluk ne’e la responde ba traballador sira uluk, entaun ami servisu mos sukat ba servisu ida ne’ebe kompania ida foun ne’e atu halo, ami labele grantia tamba no ami sei hasoru difikuldade iha trenu no ami sente katak ho durasaun ami termina iha dia 15 janeiru maibe ida ne’e ami nudar kompania nain ami dehan ne’e labele, ba mai kompania mos hakarak hare atu servisu ba item sira ne’ebe iha kontratu laran tamba ne’e hanesan responsabilidade boot ida mai ami no mos ami ses husi item ne’ebe iha kontratu laran no ami mak tenke simu konsikuensia, no husu mos ba diretur tuan atu bele selu trabllador sira ne’e servisu iha kompania ne’e hamutuk nain 7, baden 3, harian 3 no mos seguransa 1. Iha trabalhador tuan hamutuk 16 no 16 mak hatama ona keisa ba SEPFOPE “ dehan Vasco.

Hakerek na’in :Frederico B.de Jesus

@COPYRIGHT2020#MEDIAGABSEJD#DNCIT-SEJD#




Hakerek Komentariu Iha Facebook

Hakerek Komentariu Iha Account Facebook

Write a comment

iha 1 Komentariu ba informasaun ne'e

Hare Komentariu Hotu-Hotu

Hakerek Komentariu