SEJD Enkoraja APFTL Kontinua Prova-aan nudar Foin-Sae Forsa Kriativa

By Media DNICT 28 Setembru 2020, 09:43:43 TLs JUVENTUDE
SEJD Enkoraja APFTL Kontinua Prova-aan nudar Foin-Sae Forsa Kriativa

Fotografia : Sekretáriu Estadu Juventude no Desportu Eng. Abrão Nokosiku Saldanha hato’o diskursu iha abertura kongressu daruak APFTL nian iha salaun Canossa Bekora Dili(25-27/09/2020). S.E enkoraja APFTL atu kontinua prova katak foin-sa’e forsa kriativa duni. Imajen/DNICT


DILI- Sekretáriu Estadu Juventude no Desportu Eng. Abrão Nokosiku Saldanha lori guverno nia naran enkoraja Alumni Parlamentu Foin-sa’e Timor-Leste (APFTL) atu bele kontinua dezenvolve sira nia servisu ho joven sira. Governante ne’e rekoñese APFTL nudar parseria prinsipal iha SEJD nian ne’ebé durante ne’e servisu makas ho joven sira.

Nudar Sekretariu Estadu , APFTL mai husi rezultadu programa governu nian. “parlamentu foin-sa’e tamba APFTL harii husi alumni sira parlamentu foin-sa’e nian,” esplika S.E iha abertura Kongresu Daruak APFTL nian ho tema “ sobrevivensia da organização e pratica dos principios democraticos.” Ne’ebé hala’o iha salaun Canossa Becora, iha loron-25 to’o 27 fulan-setembru tinan-2020.

Iha diskursu abertura, Sekretariu Estadu Abrão Saldanha hatete Alumni sira ne’e kontribui barak tebes. Hamutuk ho governu halo serbisu oioin, hanesan halo kampaña ba prevensaun isin rua sedu, kampana ba internet saudavel, halo formasaun ba joven sira hodi realiza eventu nasionais sira hamutuk ho SEJD no sira hatudu duni servisu iha komunidade nia le’et. Alumni parlamentu foin sa’e mos agora iha fatin hotu-hotu ona, no sira halo sosializasaun edukasaun sivika.

“Ha’u enkoraja sira atu kontinua no mantein sira nia serbisu no prova ba sosiedade katak foin-sa’e mak forsa kria solusaun, ka forsa kriasaun, laos deit halo problema,” Sekretariu Estadu subliña.

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2020




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu