SEJD Aloka Osan US$ 45,473.00 ba Jogos Eskolar Nivel Secundaria

By Media Gabinete SEJD 23 Outobru 2019, 15:23:59 TLs DESPORTU
SEJD Aloka Osan US$ 45,473.00 ba Jogos Eskolar Nivel Secundaria

Fotografia : Sekretariu Estadu Juventude no Desportu, Nelyo Isaac Sarmento soe bola dahuluk iha modalidade basketbol feto hodi offisialmente loke jogos eskolar nivel sekundaria ba eskola sekundaria iha Kapital Dili. Photo: Frederico de Jesus / Media Gabinete SEJD


Hakerek Nain: Frederico de Jesus

DILI -  Sekretaria Estadu Juventude no Desportu (SEJD) aloka nia orsamentu hamutuk US$ 45,473.00 ba Federasaun Desportiva Academica Timor-Leste (FDA-TL) hodi realiza jogo escolar nivel sekundaria iha Kapital Dili.

Hosi total orsamentu ne’e, hamutuk eskola secundaria hamutuk 14 iha Kapital Dili mak compete iha jogu refere ho modalidade 4 hanesan Futsal (mane), basketbol (feto ho mane), volleybol (feto-mane), ho jinastiku.  

“Eventu jogus escolar ne’e, ohin (tersa, red) ita konsege hasoru malu fila fali liu-liu ba diretores sira husi eskola secundarias hotu iha Dili laran, no ohin ita realiza jogus escolar 2019,” dehan Prezidente FDA-TL, Zeferino Viegas Tilman iha nia deskursu abertura, Tersa (22/10/2019), iha Kmapu Basketbol SEJD, Lecidere, Dili.

Sekretariu Estadu Juventude no Desportu (SEJD), Nelyo Isaac  Sarmento espera liu hosi eventu ne’e bele hamosu atleta nivel estudante nune’e bele hatudu sira nia prestasaun no bele sai atleta ne’ebe bele reprezenta nasaun ba rai liur.

“Dadaun ita iha eventus internasionais kada tinan rua dala ida mak University Games ne’e iha regiaun ASEAN nian no iha AZIA. Atu dehan katak se imi eskola secundaria agora prepara a’an atu hadomi desportu aban bain rua imi ba universitariu kontinua nafatin pratika desportu para imi bele reprezenta estudantes sira universitariu nian ba iha internasional,” dehan Nelyo Isaac Sarmento.

Sekretariu estadu ne’e esplika, objektivu SEJD kria programa ne’e mak atu fo oportunidade ba joven sira iha eskola atu pratika aktividade desportu tamba ho pratika aktividades desportu ita boot sira iha saude diak, fiziku diak.

“Segundu objetivu mak hakarak hare joven Timoroan sira ba jerasaun futuru ninian atu kontribui ba ita nia nasaun liu husi desportu,” dehan Nelyo Isaac Sarmento.

Eskola sekundaria iha Kapital Dili ne’ebe partisipa iha jogos escolar ne’e maka:

  1. Eskola Secundaria Anu’ur
  2. Eskola Secundaria Sta Madalena Canossa
  3. Eskola Secundaria Finantil
  4. Eskola Secundaria Herois da Patria
  5. Eskola Secundaria 5 de Maio
  6. Eskola Secundaria Nicolao Lobato
  7. Eskola Secundaria Nobel da Paz
  8. Eskola Secundaria Colegio Paulo VI
  9. Eskola Secundaria Sacrojes
  10. Eskola Secundaria Publika 4 de Setembro
  11. Eskola Secundaria Publika 10 de Dezembro
  12. Eskola Secundaria São Pedro
  13. Eskola Secundaria Publika 12 de Novembro
  14. Eskola Secundaria São Jose Operario

Hafoin loke offisialmente hosi Sekretariu estadu iha 22 Outubru 2019, eventu ne’e sei remata iha 30 Outubru 2019 ne’e .

@COPYRIGHT2019#MEDIAGABSEJD#




Video Ligasaun:


Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu