S.E Abrao Saldanha Kontinua Hare Kondisaun no Serbisu Iha Estadiun Munisipal Manatuto

By Media DNICT 23 Desembru 2020, 13:15:05 TLs DESPORTU
S.E Abrao Saldanha Kontinua Hare Kondisaun no Serbisu Iha Estadiun Munisipal Manatuto

Fotografia : S.E Abrão Nokosiku Saldanha kontinua hare obra estadiun Manatutu hafoin visita Estadiun LaiKana Munisipiu Baucau, wainhira remata partisipa programa diálogu Prezidensia da Repúblika, “Dada Lia ho Lú-Olo” (17/12/2020) . Imajen/DNICT


MANATUTO-Sekretariu Estadu Juventude no Desportu, Eng. Abrão Nokosiku Saldanha iha loron-17 fulan-Dezembru tinan-2020 hala’o viajen ba munisipiu Baucau hodi partisipa iha programa diálogu Prezidensia da Repúblika, “Dada Lia ho Lú-Olo” ne’ebé lidera husi Sua Excellencia Prezidente da Repúblika Dr. Francisco Guterres “Lú-Olo” ho komunidade munisipiu Baucau. Sekretariu Estadu halo viajen ida ne’e hodi atende konvite husi Sua Excellencia Prezidente da Repúblika no autorizasaun husi Sua Excellencia Primeiru Ministru Taur Matan Ruak.

Iha viajen ida ne’e, Sekretariu Estadu Juventude no Desportu aproveita mós oportunidade hodi vizita no hare rasik kondisaun estadium munisipál Baucau no vizita ba Centru Futeból Juvenil Baucau. Iha dalan fila mai Dili, Sekretariu Estadu mós para iha Manatuto no vizita hodi hare progresu serbisu iha estadium munisipál Manatuto.

Durante vizita ba estadium munisipál Baucau, Sekretariu Estadu husu atu buka fatin ba centru treinamentu futeból juvenil nune’e labarik sira la uza estadium munisipál hanesan fatin treinamentu. Pontu Fokal SEJD nian iha Baucau informa katak rai ba Centru Treinamentu Juvenil Baucau iha ona no presiza tan serbisu balu atu finaliza antes futebolista juvenil sira bele utiliza.

Iha Manatutuo, Sekretariu Estadu observa direita serbisu ne’ebé mak kompaña kontratór hala’o hela. Kompara ho vizita dahuluk ne’ebé Sekretariu Estadu halo ba estadium Manatuto iha loron-27 fulan-Novembru liu ba, nota katak iha progresu ne’ebé projetu ida ne’e halo ona hafoin kompaña ho governu konkorda atu kontinua no finaliza projetu konstrusaun estaium munisipál Manatuto.

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2020




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu