S.E Abrao Saldanaha Hasoru Malu ho Koordenador Rezidente Onu Nian Iha Timor-Leste

By Media DNICT 23 Desembru 2020, 12:34:54 TLs JUVENTUDE
S.E Abrao Saldanaha Hasoru Malu ho Koordenador Rezidente Onu Nian Iha Timor-Leste

Fotografia : Sekretáriu Estadu Juventude no Desportu Eng. Abrão Nokosiku Saldanha hasoru malu ho Koordenador Rezidente ONU nian iha Timor-Leste, Sr.Roy Trivedy iha Sala Reuniaun SEJD Lecidere Dili (15/12/2020). Imajen / DNICT


DILI- Sekretáriu Estadu Juventude no Desportu Eng. Abrão Nokosiku Saldanha hasoru malu ho Koordenador Rezidente ONU nian iha Timor-Leste, Roy Trivedy iha loron-15 fulan-Dezembru tinan-2020. Koalia ba jornalista sira hafoin sorumutu, Sekretariu Estadu esplika katak objetivu husi sorumutu ne’e mak koalia kona-ba posibilidade sira ba serbisu hamutuk entre parte rua.

“Reuniaun ida ne’e inisia husi Sekretáriu Estadu Juventude no Desportu ho intensaun atu deskute ka fahe planu ou programa ne’ebe guvernu iha ho ONU no hare oinsa mak ajensia sira ONU nian bele fo tulun iha implementasaun planu no programa sira governu nian iha area juventude no Desportu,” Sekretariu Estadu hatete.

Durante sorumutu, Sekretáriu Estadu agradese kooperasaun ne’ebé mak eziste tiha ona durante ne’e entre SEJD ho ONU nia ajensia sira no expresa ninia dezeizu atu bele hametin liu tan parsería ba oin.

Konsidera importansia husi juventude no sira nia papel iha Timor-Leste nia prosesu dezenvlvimentu, parte rua diskuti posibilidade konkreta balu ba serbisu hamutuk ne’ebé bele tulun hadiak liu tan prestasaun serbisu ba joven sira. Sekretariu Estadu Juventude no Desportu husu atu iha diskusaun nivel téknika entre SEJD ho ONU nia ajensia sira atu hare oinsa mak bele operasionaliza programa sira ne’ebé parte rua atu hala’o hamutuk.

Akompaña Koordenador Rezidente ONU nian iha Timor-Leste, Sr. Tory Trivedy iha enkontru ida ne’e, reprezentante husi ajensia balu ONU nian.

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2020




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu