- Natalino Ornai Guterres: Hau Sei La Nonok. Hau Sei Luta Nafatin!
- Ricardo Marques: Ba Serbisu Buka Osan Iha Rai Liur, Labele Haluha Fila Mai Investe iha Timor-Leste
- Fausto Marlius: Dudu Karrosa Lixu Hodi Hetan Osan, Too Gradua iha UNPAZ
- Saida mak Doping?
- SEJD Enkoraja Joven Sira Atu Sai Autor Ekonomika Hodi Kontribui Fo Solusaun Ba Ita Nia Rain
- Livraria Online, Opsaun Hodi Tulun Foin-Sae Sira
- SEJD Monitoriza Implementasaun Jinastika Timor-Leste iha Munisipiu Manufahi
- Grupu Klibur Kalohan Foun Suku Lahane Oriental koileta Ikan Nila hetan rendementu $ 360.00
- SEJD ho Autoridade Lokal Munisipiu Ainaro koileta Ikan Atividade Istimulu Empreendedorizmu Juventude
- Sekretariu Estadu Abrao Saldanha Haksolok ho Grupu Juventude Hakiak Karau nia Kriatividade Produtivu
S.E Abrao Saldanaha Hasoru Malu ho Membru Parlamentu Foin-Sae Periodu 2019-2022
Fotografia : S.E Abrão Nokosiku Saldanha akompaña husi Diretor Nasionál Assosiativismu Juventude (DNAJ) Marcos da Costa foto hamutuk ho reprezentante membru Parlamentu Foin-sa’e nian ba periodu 2019-2020 hafoin sorumutuk Iha sala reuniaun SEJD,Lecidere Dili (16/12/2020) . Imajen/DNICT
DILI-Sekretáriu Estadu Juventude no Desportu Eng. Abrão Nokosiku Saldanha hasoru malu ho reprezentante membru Parlamentu Foin-sa’e nian ba periodu 2019-2020. Sorumutu ida ne’e hala’o hodi koalia kona-ba programa sira ne’ebé mak membru Parlamentu Foin-Sa’e sira hala’o iha munisipoiu no postu administrativu sira. Sorumutu ne’e hala’o iha loron-16 fulan-Dezembru tinan-2020 iha sala reuniaun SEJD, Lecidere, Dili.
Sekretariu Estadu Juventude no Desportu hatete infelizmente tinan ida ne’e, ita laiha aktividade barak, tamba moris ho rejimi Duodésimu no mós pandemia COVID-19 ne’ebé mak afeta aktividade ladun barak. Konsekuensia ida mak formasaun ba membru Parlamentu Foin-Sa’e sira iha periodu ida ne’e labele hala’o.
Maske nune’e, Sekretariu Estadu esplika katak governu, liu husi SEJD komprometidu nafatin atu kontinua investe iha Parlamentu Foin-Sa’e. “Governu komprometidu atu kontinua investe ba Parlamentu Foin-sa’e, liu husi formasaun ne’ebé hahu iha tinan oin no hakarak atu involve membru sira iha serbisu oinoin ne’ebé mak SEJD sei hala’o iha munisipiu, postu no suku sira tinan oin.” Dehan S.E. Abrão.
Sekretariu Estadu Juventude no Desportu apela ba membru Parlamentu Foin-sa’e sira iha Timor-Leste laran tomak atu labele lakon oportunidade no kontinua kapasita an, aprende nafatin atu bele involve ativamente iha prosesu dezenvolvimentu Timor-Leste nian
#FoinSaeMillennialForsaKriativa #DesportuIhaSosiedadeNoPrestasaun
@copyrigthDNICT-SEJD 2020