- Natalino Ornai Guterres: Hau Sei La Nonok. Hau Sei Luta Nafatin!
- Ricardo Marques: Ba Serbisu Buka Osan Iha Rai Liur, Labele Haluha Fila Mai Investe iha Timor-Leste
- Fausto Marlius: Dudu Karrosa Lixu Hodi Hetan Osan, Too Gradua iha UNPAZ
- Saida mak Doping?
- SEJD Enkoraja Joven Sira Atu Sai Autor Ekonomika Hodi Kontribui Fo Solusaun Ba Ita Nia Rain
- Livraria Online, Opsaun Hodi Tulun Foin-Sae Sira
- SEJD Monitoriza Implementasaun Jinastika Timor-Leste iha Munisipiu Manufahi
- Grupu Klibur Kalohan Foun Suku Lahane Oriental koileta Ikan Nila hetan rendementu $ 360.00
- SEJD ho Autoridade Lokal Munisipiu Ainaro koileta Ikan Atividade Istimulu Empreendedorizmu Juventude
- Sekretariu Estadu Abrao Saldanha Haksolok ho Grupu Juventude Hakiak Karau nia Kriatividade Produtivu
MEJD ho SEJD Ensera Jogu Voleybol Praia 2020
Fotografia : Ministru Edukasaun Juventude no Desportu Dr. Armindo Maia entrega taça ba manan nain voliból praia sub 22 feto AD SLB iha enseramentu jogu voli praia iha Lecidere Dili(25/09/2020). Imajen/DNICT
DILI- Ministru Edukasaun Juventude no Desportu, Dr. Armindo Maia ho Sekretariu Estadu Juventude no Desportu, Eng. Abão Saldanha ensera jogu voleybol praia 2020. Enseramentu ne’e hala’o iha kampu voleybol Praia, Lecidere Dili, Sexta loron-25 fulan-Setembru tinan-2020.
Iha diskursu, Ministru Edukasaun juventude no Desportu Dr. Armindo Maia expresa ninia esperansa atu liga voleybol praia ne’e fo motivasaun ba joven sira liu-liu feto no mane, atu nune’e sira mós bele tuir ba sira ne’ebe ohin konsege sai kampiun atu nune’e Timor-Leste mós sai konesidu iha mundu hanesan nasaun ida ne’ebe forte iha voly bola praia. Ministru Armindo Maia mós husu ba manan nain sira atu treinu nafatin no bele mantein sira nia prestasaun.
Enkuantu, Sekretariu Estadu Juventude no Desportu, Abrão Saldanha hatete nia haksolok tamba maske iha situasaun COVID-19 nia laran no mós limitasaun orsamentu, SEJD bele kontinua apoiu federasaun voleybol hodi realiza kampionatu ida ne’e, ne’ebé bele prepara atleta Timor oan sira atu ba kompete iha jogus CPLP.
Iha final kampionatu voleybol sub 22 no open mane klubu AD SLB mak sai primeiru lugar ho Choque A segundu lugar. entretantu, voleybol praia ba sub 22 feto AD SLB mak primeiru lugar no AD SLB A hetan segundu lugar.
Partisipante sira iha kampionatu nasional voly bola praia ne’e mak; A.D.SLB, Mane no Feto, CELO, Choque Mane no Feto, Atoni Ambeno no Bandido Qualidade.
#FoinSaeMillennialForsaKriativa #DesportuIhaSosiedadeNoPrestasaun
@copyrigthDNICT-SEJD 2020