DILI- Diretór Jerál Juventude no Desportu (DJJD).iha Sekretaría Estadu Juventude no Desportu, David Tomas de Deus hato’os lia menon iha celebrasaun loron Internasional ba Voluntariu iha Timor-Leste. Celebrasaun ne’e hala’o iha salaun konferensia Tower, Fatuhada Dili, iha loron-5 fulan-Dezembru tinan-2020.

Iha ninia diskursu, Diretor Jeral David Tomas de Deus “hato’o governu nia agradesimentu no votus de parabens ba voluntariu sira hotu, iha Timor-Leste no iha mundu tomak, ba sira nia dedikasaun no komitmentu tomak ba kauza nobre voluntarismu nian.”

“Iha Timor-Leste, mai ita fo obrigadu ba voluntariu sira ne’ebé mak serbisu maka’as lahatene kole hamutuk ho komunidade sira nia iha ita teritoriu laran tomak hasoru dezafiu oinoin ne’ebé ita nia rain hasoru nu’udar konsekuensia husi dezastre natural no mós situasaun krizi sanitariu global no krizi ekonomómiku ne’ebé mosu hanesan konsekuensia husi situasaun ida ne’e,” Diretor Jeral ne’e hatutan.

Loron Internasional ba Voluntariu sira hamosu husi Asembleia Jeral Nasoins Unidas nian iha loron-5 fulan-Dezembru tinan-1985 ho intensaun atu fo apresiasaun no enkoraja voluntarismu iha mundu tomak.

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2020