- Natalino Ornai Guterres: Hau Sei La Nonok. Hau Sei Luta Nafatin!
- Ricardo Marques: Ba Serbisu Buka Osan Iha Rai Liur, Labele Haluha Fila Mai Investe iha Timor-Leste
- Fausto Marlius: Dudu Karrosa Lixu Hodi Hetan Osan, Too Gradua iha UNPAZ
- Saida mak Doping?
- SEJD Enkoraja Joven Sira Atu Sai Autor Ekonomika Hodi Kontribui Fo Solusaun Ba Ita Nia Rain
- Livraria Online, Opsaun Hodi Tulun Foin-Sae Sira
- SEJD Monitoriza Implementasaun Jinastika Timor-Leste iha Munisipiu Manufahi
- Grupu Klibur Kalohan Foun Suku Lahane Oriental koileta Ikan Nila hetan rendementu $ 360.00
- SEJD ho Autoridade Lokal Munisipiu Ainaro koileta Ikan Atividade Istimulu Empreendedorizmu Juventude
- Sekretariu Estadu Abrao Saldanha Haksolok ho Grupu Juventude Hakiak Karau nia Kriatividade Produtivu
CRAM lansa atividade hamos letra simbolu GAM 3
CRAM
Fotografia : CRAM lansa atividade hamos letra simbolu GAM 3
CRAM LANSA ATIVIDADE HAMOS LETRA SIMBOLU GAM 3
Dili (26-07-2019) – Comisaun Reguladora Arte Marsias (CRAM) hamutuk ho instituisaun defesa no seguransa (F-FDTL ho PNTL) no autoridade local iha Munisipiu Dili lansa atividade hodi hamos letra simbolu ne’ebe reprezenta Grupu Arte Marsiais (GAM) tolu ne’ebe governu bandu ona tuir lei ne’ebe vigora iha Timor-Leste.
Seremonia lansamentu ba atividade ne’e halao iha Sexta (26/7/2019), iha Kampu Futebol Kampung Baru Comoro ne’e partisipa deretamente hosi Sekretariu Estadu Juventude no Desportu (SEJD), Nelio Isaac Sarmento, Prezidenti Autoridade Munisipiu Dili, Gaspar Soares, Komandante Operasaun F-FDTL, Tanente Koronel Cesario S.M. Ximenes “Haksolok”, Komandante Operasaun PNTL, Xefi Superintedente Pedro Belo, xefi suku sira no membru F-FDTL ho PNTL.
Objetivu hosi atividade ne’e maka oinsa halo Dili Livre Husi Publisidade La Edukativu, Mos No Seguru.
“Ida ne’e hanesan parte ida ne’ebe importante tebes ba ita hotu nia preokupasaun, ohin ita hamutuk iha ne’e hodi hamos palavras sira ne’ebe la edukativu iha komunidade nia le’et no barak liu tan hakerek ho simbolu ka grupus ne’ebe maka estadu bandu hanesan aktu ida ne’ebe preventivu atu ita hare luan ba oin, tamba, bainhira publiku sei nafatin hatudu simbolu sira ne’ebe estadu bandu maka ita bele dehan katak iha povu nia le’et ne’e grupos sira ne’ebe estadu bandu ne’e iha ezizensia ne’e sei iha maibe subar,” hateten Nelio Isaac Sarmento iha nia mensajem palavras.
Tenente Colonel F-FDTL, Cesario S.M. Ximenes Alias Haksolok hateten atividade refere diak teb-tebes ba povu Timor-Leste atu bele kontribui no oinsa lia fuan sira ne’e sai mos.
Entertantu Komandante Operasaun Nasional PNTL, Superintendente Xefi Pedro Belo hateten katak PNTL ho F-FDTL sei kontinua hamutuk ho governu hodi kria stabilidade no moris seguru iha komunidade nia leet no livre hosi atividade GAM ne’ebe governu bandu ona.
“F-FDTL no PNTL sei hamutuk halo operasaun id aba GAM sira liu-liu ba artemarsiais sira ne’ebe mak bandu tiha ona liu-liu ba PSHT, IKS no mos KORK iha mos arte rituais sira ne’ebe lei bandu ona mais sira sei subar-subar halo treinu ba aktividade artemarsiais nian no ami sei halo operasaun ida ne’ebe makas ba fatin balun ne’ebe ami identifika ona no uma nain ne’ebe fo fatin ba sira halo treinu ne’e mos ami kaptura hotu,” deklara Superintedente Xefi Pedro Belo.
@COPYRIGHT2019#MEDIAGABSEJD#FREDERICODEJESUS#